ManşetSiyasət

Avetis Babacanyan: “Qarabağ və Sünikin kimin olması Qərbi maraqlandırmır”

“Son vaxtlar daha intensiv şəkildə Aİ rəsmilərinin bir çoxu Ermənistana səfər edir. Onların Ermənistan hakimiyyəti ilə nə danışdıqlarını bilmirik. Amma bir şeyi əminliklə deyə bilərəm, Aİ ölkələri üçün fərqi yoxdur ki, Qarabağ və ya Sünik kimə məxsusdur. Ermənistan Sünikdən keçən yollar üzərində suverenliyə malik olacaq, yoxsa Azərbaycana təslim olacaq? Bu ölkələr ancaq öz iqtisadi maraqlarını düşünürlər”. JAMAZ.İNFO xəbər verir ki, bu sözləri erməni siyasi şərhçi Avetis Babacanyan deyib.

O bildirib ki, Avropa İttifaqının yeganə narahatçılığı birliyin enerji bazarını şaxələndirmək, Rusiya enerji mənbələrindən asılılığı azaltmaqdır. “Onlar Ermənistan və Azərbaycanın tezliklə sülh müqaviləsi imzalamasını istəyirlər ki, Türkmənistan qazını və Qazaxıstan neftini Rusiyadan yan keçən yollarla Avropaya çatdırsınlar”.

Babacanyan deyir ki, bu məsələdə avropalıları qınamaq olmaz. “Onlar öz ölkələrinin təhlükəsizliyini, xalqlarının rifahını düşünürlər. Fransa, Almaniya və İtaliya liderləri öz milli və vahid Avropanın ümumi iqtisadiyyatlarının amerikalılar və ya çinlilər tərəfindən udulmasının qarşısını almaq olan dövlət xadimləri kimi düşünür və hərəkət edirlər. Onlar Ukraynanın və ya Ermənistanın ərazi bütövlüyünü düşünmək üçün deyil, Xersona, Zaporojyeyə, Qarabağa və Sünikə mənsub olmaq uğrunda mübarizə aparmaq üçün seçiliblər”.

Erməni siyasi şərhçi qeyd edir ki, Ermənistan hökumətinin ən yüksək rütbəli məmurları idarə etdikləri ölkənin milli və dövlət maraqlarını rəhbər tutmurlar. “Əliyev Ermənistanı müharibə ilə hədələyir və Ermənistanın ərazi bütövlüyünü şübhə altına alır, Ermənistanın indiki baş naziri Nikol Paşinyan bununla bağlı hay-küy belə salmır və hökumətin bütün iclasını idmançıların aylıq ödənişinə həsr edir, guya Ermənistanın problemlərindən biri də həmin ödənişlərdir. O, müxtəlif beynəlxalq yarışlarda uğur qazanmış idmançının canlı olaraq alacağı pulun məbləğini ətraflı sadalayır, bunu hökumətinin ən mühüm nailiyyəti kimi təqdim edir, həmin idmançıların vətənini necə qoruyacağına dair bir söz demədən”.

Babacanyan bu məsələni dəhşətli hadisə hesab edir. Lakin bundan da dəhşətli bir məsələnin olduğunu söyləyir. “Ən dəhşətlisi odur ki, Paşinyan, deyəsən, Qarabağ və Sünikə mənsubluq məsələsi ilə maraqlanmır. Çünki bunun üçün mübarizə aparmalıyıq, hətta əks-hücumlara da hazır olmalıyıq. Amma Paşinyan artıq təslim olmağı, itki ilə barışmağı, bu itkilərə izahat tapmağı öyrənib. Onun imtina etməyə hazır olmadığı yeganə şey, hətta paytaxt İrəvan saxlansa belə, hakimiyyətdir”.

Əlaqəli xəbərlər

Bir cavab yazın

Sizin e-poçt ünvanınız dərc edilməyəcəkdir.

Back to top button