İngiltərə Ukrayna qaçqınlarını rus oliqarxların evlərində yerləşdirəcək

İngiltərə Ukraynadan qaçqın düşmüş şəxsləri yerləşdirmək üçün yeni plan hazırlayır. JAMAZ.İNFO xəbər verir ki, London hökuməti ukraynalı qaçqınları rus oliqarxlarından müsadirə edilmiş mənzil və mülklərdə yerləşdirməyə hazırlaşır.

İngiltərə baş nazirinin müavini Dominik Raab “The Times”ə bildirib ki, həmin mülklərin qeydə alınması üçün hazırlıqlara da start verilib. “Əgər bizim həmin mülklər üzərində hüquqi əsasımız və sübutlarımız olarsa, biz bu addımı atacağıq. Biz Ukraynadan qaçqın düşmüş insanları məhz rus oliqarxlarının mülklərində yerləşdirmək barədə düşünürük”.