Gündəm

Ermənistan Qazaxın 7 kəndinin qaytarılmasını təsdiqlədi

Ermənistanla Azərbaycan arasında gözlənilən demarkasiya və demarkasiya işləri nəticəsində Tavuşda yeni yolları tikiləcək. JAMAZ.İNFO xəbər verir ki, bu barədə Ermənistanda nəşr olunan “Fakt” qəzeti məlumat  yayıb.

Məlumatda deyilir ki, İrəvan hakimiyyəti Ermənistan-Gürcüstan dövlətlərarası avtomobil yolunun Tavuş vilayətinin sərhədyanı Voskepar şəhərinə gedən, eləcə də Qazaxın Yuxarı Əskipara kəndinin yaxınlığından keçən bir neçə hissəsində alternativ yollar çəkməyə hazırlaşır. Yeni yol bir neçə kəndi Bağanis Ayrımla birləşdirəcək. “Google xəritəsinə əsasən M-16 şosesi Azərbaycanla sərhədi bir neçə hissədə kəsir. Və Ermənistan hakimiyyəti Google xəritəsi ilə sərhədi çəkdiyindən 12 kilometrlik yeni yolun tikintisi ilə bağlı ilkin qərar verib. Xəritəyə əsasən, magistral Azərbaycanla yeni güman edilən sərhəddi təxminən üç hissədə kəsəcək. Onlardan biri də Tsaghkavan-Kirants yoludur ki, meşələrin arasından keçən yeni yoldan yan keçmək üçün 5-6 km uzunluğunda yol çəkilməlidir”.

Qəzet yazır ki, Kirants kəndindən Voskepara gedən yolun bir hissəsi sərhəddə düşür. Ona görə də, həmin hissəyə alternativ olacaq yeni yol çəkiləcək. “Məlum olub ki, yolun ikinci hissəsi Kirants-Voskepardır və onun uzunluğu, ilkin məlumata görə, 3 km olacaq. Üçüncü yol isə Voskepar-Bağanis Ayrım yoludur. Yeni yol Voskepardan yan keçməyəcək. Əvəzində təhlükəli zonalardan yan keçmək üçün vaxtilə kəndin ərazisindən keçən yol təmir olunacaq. Təmir olunan bu yol kəndi Bağanis Ayrımla birləşdirəcək və uzunluğu da 3 km-ə yaxın olacaq”.

“Fakt” yazır ki, hazırda dəqiq təsdiq olunmuş layihə və hökumət qərarı olmasa da, artıq podratçı axtarışındadırlar. “İlkin müzakirələrə görə, yeni alternativ yolun tikintisinə Tsağkavandan başlanacaq və Kirantsdan keçərək, Voskepardan Bağanis Ayrıma uzanacaq. Voskepar müəyyən ərazi güzəştləri ilə sərhəd kəndi kimi qalacaq. Xəritəyə inansaq, əsas magistralın Voskepar yaxınlığından keçən hissəsi tamamilə Azərbaycana keçəcək”.

Erməni nəşri qeyd edir ki, hələ avqust ayından Tavuş vilayətinin Voskepar sərhəd icmasına rus hərbçiləri yerləşdirilib. “Məlumata görə, sülhməramlıların dayandığı yol Ermənistan-Azərbaycan sərhədi sayılacaq”.

Qəzet onu da bildirib ki, yeni yolların çəkilməsinə yeni ildən başlanılacaq.

Bundan başqa, həmin istiqamətdə İcevaan-Noyanberyan magistralı da keçir ki, həmin yolun Voskepardan keçən hissəsindən istifadə olunmayacaq.

Qeyd edək ki, erməni nəşri məlumatı dəqiqləşdirmək üçün Voskepar şəhərinin meri Serob Maqsudyanla əlaqə  saxlayıb. Maqsudyan deyib ki, yolun tikintisi ilə bağlı məlumatlıdır. “Lakin hazırda heç bir iş aparılmır”.

Tavuş vilayətinin qubernatoru Hayk Qaluman isə məlumatı təkzib etməyib. Amma bu barədə məlumata malik olmadığını deyib.

Xatırladaq ki, Azərbaycan və Ermənistan arasında sərhədlərin delmitasiya və demarkasiyası ilə bağlı İşçi Qrupunun yaradılması barədə razılıq əldə olunub. Sərhədlərin müəyyən edilməsi prosesinə gələn ildən başlanacağı gözlənilər.

 

Əlaqəli xəbərlər

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button