“Dünən gecə Vardenis istiqamətində Azərbaycan Ordusu mövqelərini daha 11 km Ermənistan ərazisini içərilərinə doğru çəkib”. JAMAZ.İNFO xəbər verir ki, bu sözləri Ermənistanın keçmiş baş naziri, “Azadlıq” Partiyasının sədri Hrant Baqratyan deyib.
Onun sözlərinə görə, Azərbaycan Ordusu bununla Kut (Zərkənd) və Yuxarı Şorj kəndlərini faktiki olaraq mühasirəyə salıb. “Budur, onlar daha dərinlərə yerləşməyə başlayıblar. Bəzi yerlər var ki, Azərbaycan hərbçiləri 18 km irəliləyib. Əgər onlar daha 18 km irəliyə doğru postlarını çəkərsə, Göycə gölünə gəlib çatacaqlar. Əgər Nikol Paşinyan 20 iyunda yenidən baş nazir seçilərsə, o hamıya imzalayacağı sənədi göstərəcək. Bu isə o deməkdir ki, biz Azərbaycana 6 kəndi daha verəcəyik”.
