“İrəvan-Gorus avtomobil yolu, faktiki olaraq, Azərbaycanın nəzarəti altındadır”. JAMAZ.İNFO xəbər verir ki, bunu “Hayastan” fraksiyasının rəhbəri, keçmiş müdafiə naziri Seyran Ohanyan deyib.
O deyib ki, bütün bunlar Ermənistan hakimiyyətinin məğlub olması və Azərbaycan Ordusunun Ermənistanla sərhəddə yerləşməsi ilə bağlıdır. “Azərbaycan məğlub olmuş Ermənistana təzyiq etməkdə davam edir. Təcrübə göstərir ki, udan tərəf həmişə uduzana diktə edir”.
Ohanyan bildirib ki, hal hazırda Sünik vilayətində durum çox ağırdır. Onun sözlərinə görə, Qafan-Gorus yolunda gömrük-keçid məntəqəsinin quraşdırılması yeni vəziyyət yaradıb. “Azərbaycan əsgəri İşxanasardan Cermuxa qədər irəliləyib. Nəticədə, bu gün Yerəvan-Gorus avtomobil yolu Azərbaycanın nəzarəti altına keçib”.
