Ukraynanın ədliyyə naziri Denis Malyuska əmindir ki, Qərb müttəfiqləri Rusiyanın 300 milyard dollar dəyərində olan qızıl ehtiyatını Kiyevə vermək məsələsində siyasi razılığa gəliblər. JAMAZ.İNFO bildirir ki, nazir bunun üçün bəzi hüquqi mexanizmlər hazırlanmalı olduğunu deyib.
O qeyd edib ki, Ukraynanın müttəqfiqləri Rusiyanın xaricdəki qızıl-valyuta ehtiyatının Kiyevə verilməsi məsəsində həmfikirdirlər. “Əminliklə deyirəm ki, bu barədə siyasi razılıq əldə olunub. Hazırda əsas məsələ odur ki, həmin ehtiyatın Ukraynaya verilməsi üçün hüquqi mezanixmlər hazırlanmalıdır. Biz də bu istiqamətəd çalışırıq. Tezliklə nəticə əldə edəcəyimizə inanıram”.
