Ərdoğan: “Ermənistanla münasibətlərin normallaşması barədə “qırmızı xətt”imiz var”

Türkiyə Prezidenti Rəcəp Tayyib Ərdoğan Ermənistanla münasibətlərin normallaşdırılmasından danışarkən bildirib ki, “Azərbaycan əvvəldən bizim üçün “qırmızı xətt”olub”. Bu barədə “Anadolu” agentliyinin məlumatında deyilir. 

“Azərbaycanla problem həll olunandan sonra “qapılarımızı açacağıq” dedik. Mən Paşinyanın regional sülh və əməkdaşlıqla bağlı bizimlə eyni fikirləri bölüşməsindən məmnunam. İndi biz onlardan bəyanatlardan savayı konkret addımlar gözləyirik. Biz Ermənistanla münasibətlərin normallaşdırılması prosesində ciddi və qətiyyətliyik. Biz də tam normallaşmaya və mehriban qonşuluq münasibətlərinə çalışırıq”, – deyə Ərdoğan bildirib.