“Qanuni oğrular”dan işgəncə görən məhkumlara dəstək: Həsbxanalar nəzarətə götürülür?

Rusiyada “qanuni oğrular” həbsxana işçiləri tərəfindən qeyri-insani rəftara məruz qalan məhkumların müdafiəsinə qalxıb.

Qaynarinfo Rusiya KİV-nə istinadən xəbər verir ki, Saratov həbsxanasının tibb müəssisəsində məhkumların işgəncəyə məruz qalması və alçaldılmasını əks etdirən videogörüntülərin yayılmasından sonra cəzaçəkmə müəssisələrinə “qanuni oğrular”dan “proqon” daxil olub. Onlar həbsxana işçilərinin qeyri-insani rəftarı ilə üzləşən məhkumların digər dustaqlar tərəfindən incidilməsini, aşağılanmasını qadağan ediblər.

“Qanuni oğru”lar bəyan edib ki, həbsxana işçilərinin zorakı əməllərini, insan ləqayətini alçaldan hərəkətləri ilə üzləşən məhkumları kriminal qaydalarla cəzalandıran məhkumlarla eyniləşdirib, onlara da oxşar münasibəti göstərmək yanlışdır.

“Qanuni oğru”ların fikrincə, həbsxana işçilərinin qurbanı olan məhkumlar da kriminal qaydaları pozmayan digər dustaqlar kimi bütün hüquqlara malikdir.

Kriminal dünyanın liderləri həmin məhkumlara üzləşdikləri haqsızlıqla bağlı özlərini günahkar hesab etməməyi, təkliyə qapılmamağı, oğru dünyasnın nüfuzlu simalarına bu barədə danışmağı tövsiyə ediblər.

“Onlar hər zaman sizinlə əlaqə saxlayacaq və sizə kömək edəcəklər. Zaman sizinlə əlaqə saxlayacaq və sizə kömək edəcəklər” – deyə “proqon”da qeyd edilir.

Bəzi məlumatlara görə, “qaçış” ən yüksək səviyyəli oğru yığıncağında tərtib edilib və “qanuni oğru” Zaxari Kalaşovun (Şakro Molodoy) iştirakı ilə baş tutub.

Moskva İctimai Monitorinq Komissiyasının üzvü Eka Markoviç həbsxanalara belə “proqon”un daxil olduğunu təsdiqləyib. O, bildirib ki, “proqon” saxta deyil. Ehtimal olunur ki, Rusiyanın bir nömrəli “qanuni oğru”su Zaxari Kalaşovun da (Şakro Molodoy) qatıldığı yüksək səviyyəli “sxodka”da hazırlanıb.