İsrail Ermənistanı “soyqırım törətməyə meyilli” ölkələr siyahısına salıb: Silah satmamasının sirri açıldı
2020-ci ildə dünyada pandemiya olmasına baxmayaraq, İisrail hərbi sənaye kompleksi silah satışı həcmini 15 faiz artıraraq, 7.3 milyard dollardan 8.3 milyard dollara çatdırıb. JAMAZ.İNFO xəbər verir ki, bunu İsrailin müdafiə naziri Beni Hans deyib.
Onun sözlərinə görə, ölkəsi Belarus və Myanmara diktatura rejimi qurduqları üçün silah satmaqdan imtina edib. Nazir deyib ki, ötən il Orta Asiya, Sakit Okean hövzəsi və Fars körfəzi ölkələrinə 800 milyon dollarlıq silah satıblar. 2.4 milyard dollarlıq silah isə Avropa ölkələrinə, o cümlədən Azərbaycana satılıb.
Maraqlıdır ki, israilli nazir Ermənistana silah satmadıqlarını da vurğulayıb. Hans dolayısı ilə bildirib ki, İrəvan “soyqırım törətməyə meyilli” və “qisas hissi ilə yaşayan” ölkə olaraq xarakterizə edib.
