İlham Əliyev: “Ümid edirik ki, Ermənistan da imzalanmış sazişlərin bəndlərini icra edəcək”

“Rusiya Ermənistanla münasibətlərin normallaşmasında çox mühüm, hətta deyərdim ki, aparıcı rol oynayır”. JAMAZ.İNFO  xəbər verir ki, bunu Azərbaycan Prezidenti İlham Əliyev Moskvada Rusiya prezidenti Vladimir Putinlə görüşdə deyib.

O bildirib ki, Azərbaycan bu rolu yüksək qiymətləndirir. “Biz bu rolu çox yüksək qiymətləndiririk və ümid edirik ki, Ermənistan tərəfi də bizim kimi imzalanmış sazişlərin bəndlərini icra edəcək”.

İlham Əliyev daha sonra qeyd edib ki, Rusiya Azərbaycan və Ermənistan arasında müharibənin dayandırılmasında çox mühüm rol oynayıb.